"SEGUE TI"

NOVIDADE   😉
Unha experiencia nova para os intrépidos escritores do noso instituto.
O concurso "Segue ti" proponche emular aos grandes autores da literatura universal.
O primeiro día de cada mes a partir de novembro colgaremos no blog o comezo dun microrrelato dalgún autor coñecido. Desde ese momento poderedes poñervos a redactar o voso propio relato inédito e orixinal que continúe a historia.
O único requisito é que teña entre 150-200 palabras.
O último venres do mes, reunirase o xurado formado polo equipo de colaboradores e colaboradoras da Biblioteca. O relato gañador do mes publicarase no blog.
En abril, escolleranse os gañadores do ano, que serán premiados con motivo do Día do libro.